Je dada unanifikiria?

Ama wajiona malkia

Nami binadamu asiyepewa hatia,

Ya kujitetea kimapenzi

Ila maneno sineni

Kesho unapata mchumba

Nami najifunga kwenye kijumba

Mlango wangu usifunguke tena,

‘Siombolee wala kutoa hela,

Ni matakwa ya mapenzi

Kushinda au kuenda,

Balaa ya bubu,

Ni mafanikio ya babu,

Aliyelipa mahari,

Johari yangu yatimia

Kesho yake pilau yapikwa

mbolezi yaimbwa

Mwanzo wa maisha yako

Mwisho wa maisha yangu

Staajabu hayo!